تيتو عايز يتجوز سوزي
المشهد الاول
اتنين واقفين على كورنيش المقطم , الولد مسقط البنطلون لحد كعب رجله و لابس كاب و شعره اطول من شعر البنت و البنت شعرها قصير زى الولاد و ماسكه مصاصه نصف قطرها اكبر من نصف قطر كرة الباسكيت
سوزي : اسمع بقى يا تيتو انت لازم تروح تكلم دادى
تيتو : كفايه بريشار على يا سوزى , انت عارفه انى مقدرش اعمل اى حاجه دلوقتى
سوزى : ممكن افهم ليه
تيتو : يا سوزى انا مقدرش اخد اى ستيب فى حياتنا الا لما اعرف انا حأكمل علمى ولا حاحول أدبى
سوزى : و دا دخله ايه فى موضعنا
تيتو : لو كملت علمى حتكون مصيبه
سوزى : أزاى يا فالح
تيتو : لو كملت علمى ممكن بابا يضغط على و يخلينى اذاكر وممكن أدخل هندسه
سوزى : و هى دى حاجه وحشه يا توته
تيتو : ايوه طبعا !! لانى كدا حدخل الجيش تلات سنين !! متخيله انا أدخل الجيش .. دانا كنت انتحر ... يع
سوزى : يا لهوى هو انا ناقصه لا عندك حق يا حبيبى
تيتو: علشان كدا انا فكرت و قررت لو حولت أدبى انشالله السنه دى حاروح اكلم يور دادى
سوزى : أعتبر دا ديل[
تيتو : ايتس ديل
المشهد التانى
الولد جاب 53 % فى ثانويه عامه لولولولوولولولولولولى
و راح و هو الفرحه مش سيعاه على والد سوزى
تيتو : يويويو .هاى أنكل
انكل : يويو يويو ( ويخلق مالا تعلمون ) . مش انت الولد اللى كنت فى عيد ميلاد سوزى بنتى
تيتو : ذاكرتك قويه اوى يا أنكل
أنكل : فى حاجه يا أبنى
تيتو قلع الكاب و حط ايده ورا دهره أحتراما لسوزى داد !! لكن لما لاحظ انو انكل مددايق من منظر شعره لبس الكاب تانى بسرعه
تيتو : انا مش حاضيع وقتك يا أنكل , انا و سوزى بنحب بعض من تلات سنين و عايزين نتجوز و انا جيت أقولك علشان متقولش انى مصاحبها من وراك يا انكل
أنكل : أسمى الحاج صلاح عبد الجبار يا روح النوننة
تيتو بدا يترعش و مسك البنطلون على أخر لحظه قبل ما يوقع
تيتو : اوك يا أنكل حاج صلاح زى ما تحب
تمالك الحاج صلاح اعصابة بالعافية و سأله فى هدوء شديد
الحاج صلاح : عندك شقه يا أبنى
تيتو : دادى حايجبلى
الحاج صلاح : انت فى المدرسه لسه يا بيبى ؟
تيتو : أنكل حاج ... دا شئ طبيعى يعنى مش محتاج أسئله
الحاج صلاح : يعنى أنت مش بتشتغل و جاى عايز تتجوز بنتى !! [
تيتو : نو يا أنكل حاج .... طبعا انا عندى شغل
الحاج صلاح : بتشتغل مع والدك
تيتو: نو نو نو يا أنكل أنا عندى راب باند
الحاج صلاح : كاوافير دا يبنى ؟؟؟؟
تيتو : نو يا أنكل يعنى أنا ب أغنى و بمناسبة انى جيت لحضرتك أنهارده انا كتبت حاجه مخصوص
تيتو يبدا بعزف بعض المقطوعات و الاصوات ببؤة ثم القى بالقنبله الغنائيه ولعلع
وهو بيترققص قوددام الحاج صلاح
عـــــــــــــــــادى
عايز أتجوز بس عادى
عندى فلوس و عندى دادى
و بفكر اسكن فى المعادى
و أشترك فى أى نادى
أصلى بموووت فى الذبادى
حتى اسالو .. صاحبى شادى
او حتى صاحبى فادى
كلو كلو كلو .. عادى
بس كويكلى اصلى مش فاضى
يويويويو ...
وصلت لسوزى الساعه 8
لابس تيشيرت فريق ألمانيا ...
الحاج صلاح : امشى اطلع بره يا سيس يااابن ال ...
قذفت صرخة الحاج صلاح تيتو برررة مكتبه لمسافة 100 متر تقريبا وطبعا من غير بنطلونو .. لانو سقط منه اثناء الرقص!!؟
موضوع: تيتو عايز يتجوز سوزي 
الثلاثاء سبتمبر 28, 2010 7:34 am