موش دا وقته يا حبيبى

موش دا وقته يا حبيبى موش دا وقته

بلاش تحكيلى عن الماضى ما تجبشى سيرته

خلينى أنام خلينى أرتاح

ما تقلبشى فى اللى راح

ما تفكرنيش باللى شفته

خلينى احس بس بالحنان

ونبعد عن اللى كان وكان

ولا نقولشى للزمان

ليه يا زمان كل ده عملته

موش عايز اسمع غير بس دق قلبك

وهو بيقولى................بحبك بحبك

يا حبيبى قولها ما تقولشى غيرها

دا انا مصدقت انى ابقى جنبك

ما تشغلشى روحك غير بس بيي

ما تبعدشى عينيك لحظه عن عينيي

والكلمه الحلوه بس قولها ليي

اللحظه دى بالعمر كله اللى فات

تعوضنى عن احلا ما فيه من ذكريات

والجرح اللى فيي مهما كان حتداويه

والحزن اللى كان جوه قلبى موش حتلاقيه

موش حتلقى غير حبك انت اللى بس فيه

ويا فجر بكره.............اوعى تطلع

أخاف لننسى تانى..............ونرجع

لقسوة الماضى ولياليه

ياما ناس ذينا فى الحب احتاروا

موش احنا أول اللى انكوا بناره

بس احنا قدرنا موش ذى غيرنا

للحب تانى رجعنا وهما انهاروا

وادحنا عايشين دلوقتى احلا أوقاتوا

والايام الجايه حتبقى احلا من اللى فاتوا

*******************

مع خالص تحياتى الشاعر المصرى شوقى غنيم